የግጥሙ ርዕስ
ሆሳዕና ሆሳዕና ሆሳዕና ተብሎ ሆሳዕና ሆሳዕና ሆሳዕና ተብሎ ዝማሬው ውዳሴው ዕልልታው ቀጥሎ ወዲያው በማግሥቱ ስቀሉት ተባለ ጌታችን ኢየሱስ ቀራንዮ ዋለ ይገርማል ይደንቃል የሰዎች ነገር በአንድነት ሆነው ፈጥረው ግርግር በሃሳብ ሳይጸኑ ብለው ሆሳዕና በርባንን መረጡ ጌታን ተዉትና ይፈታልን ሲሉ በርባንን ወደውት አሳልፈው ሰጡ ጌታችንን ለሞት በርባን ወንበዴ ነው መልስ የማያመጣ በክፉ ተግባሩ በመጣበት ጣጣ ዓለም ግን መረጠ በርባንን ለክብር ሥራው ክፉ ሆኖ ፍጹም የሚያሳፍር ኢየሱስ በበርባን ተተክቶ ቢሞት ፍጹም ጻድቅ ሆኖ እንከን የሌለበት ከኃጢአት እስራት ሊፈታን ወዶ ነው በመስቀል ላይ ደሙን ለእኛ ያፈሰሰው የዘመኑ ሰዎች ከጥቂቶች በቀር በብዙ ሞቅታ በጊዜያዊ ፍቅር በሆሳዕና ማግሥት ስቀለው ለማለት ወዳጆች በመሆን ለታይታ ለወረት ዛሬ እንነሳለን እንጀምራለን ላይፈጸም ላያልቅ ወዳጅነታችን ሆይ ሆይ እንልና ወረቱ ሲያበቃ በጥል በክርክር በሽሙጡ ቋንቋ ፈጥነን በመነሳት በወንድማችን ላይ የወዳጅ ቅቤ አንጓች ሆነንበት ሸንጋይ ጥላቻችን ወጣ ክፋታችን ገኖ ኃጢአት አድብቶብን ነግሦና ሰልጥኖ እንደ ክፉው ቃየል ጨካኝ ገዳይ ሆኖ ሊመልሰን ብሎ ጌታ ቢያባብለን አሻፈረኝ አልነው አመጸኞች ሆነን የአመጽ ድንፋታው ቀረርቶው ዳንኪራው ሐሜት አሉባልታው ቂምና ጥላቻው ወዲያው ይለወጣል ላፍታም ሳይቆይ ቶሎ የጌታን ውሳኔ ሰምቶ አስተውሎ የቃየል ጩኸቱ ወዲያው ተቀየረ መቅበዝበዝ መጣበት ሕይወቱም መረረ ፍጹም ተነሳበት ከርታታ ሊያደርገው እግዚአብሔር ራራለት ምልክትን ሰጠው ወገኖች እንግዲህ እናስተውል በእውነት ጌታ ያልሰጠንን ነፍሰ ገዳይነት ይዘን ብንነሳ ወንድምን ለማጥፋት ጌታ ይገለጣል በመንገዳችን ላይ ሕይወትም ይሆናል የምድር ላይ ኮብላይ ስለዚህ ይቅርብን ወንድምን ማጥፋቱ ማሳደድ መጎንተል መበቀል በከንቱ ጌታ መሐሪ ነው ፈጥኖ ይመልሰን እኛም እንመለስ ቸርነቱን ቀምሰን ወስብሐት ለእግዚአብሔር አሜን አባ ዮናስ ጌታነህ |
|
Sunday 7 December 2014
Subscribe to:
Post Comments (Atom)
No comments:
Post a Comment