ሊቁ ኤራቅሊስ ይህንን ጉዳይ አስረግጦ ሲናገር "ሰው በሆነበት ግብር ሊቀ ካህናት ነው፡፡" ሃይማኖተ አበው 49:39 ሊቁ ቄርሎስም "ሰው በመሆኑ ሊቀ ካህናት ሆነ፡፡" 79:14 

ጌታችን ኢየሱስ ክርስቶስ ሰው በሆነበት ግብር ሊቀ ካህናት የተባለው እጠቀም ብሎ አይደለም፡፡ እኛን በአገልግሎቱ ያድነን ያጣናትን ልጅነት ይመልስልን ዘንድ እንጂ ሰው በመሆኑ ከእግዚአብሔርነት የተለየም አይደለም በላይ ሳይጎድል በታችም ሳይጨመርበት ሰው ሆነ እንጂ፡፡ ጌታ ሰው በሆነበት ግብር ሊቀ ካህናት ነው፡፡ "ዕሩቅ ብእሲ /ተርታ ሰው/ ነው የሚል የተወገዘ ነው ይኹን ሰለ ራሱም ራሱን መሥዕዋት አድርጎ አቀረበ የሚል የተወገዘ ይሁን ያድነን ዘንድ በተለየ አካሉ ሰለ እኛ በፈቃዱ ራሱን መሥዕዋት አድርጎ አቀረበ እንጂ" ሃይማኖተ አበው ቃለ ግዘት ዘቅዱስ ቄርሎስ 10:35-37

ብሂለ አበው

"ማንነትህን ማወቅ"

ተወዳጁ ወንድሜ ሆይ! ኃይለኛ ነኝ ብለህ ታስባለህን? ካሰብህ ይህን ኃይልህን ከየት አመጣኸው? አንተ አመድና ትቢያ ጎስቋላና ምስኪን ስለሆንህ ይህ ኃይል የአንተ አይደለም። ይህ ኃይል ከሌላ ሰው ያገኘኸውም አይደለም ከእግዚአብሔር እንጂ።
ክብርና ምሥጋና ለእርሱ ይሁንና ኃያል እርሱ ብቻ ነው፡ ኃይልም ሁሉ የሚገኘው ከእርሱ ብቻ ነው። ያንተስ ኃይል ከእግዚአብሔር አይደለምን? ከሆነ ለምን ትታበያለህ? ለምንስ ትኩራራለህ? የእግዚአብሔርንስ ኃይል እርሱን ለማገልገል ካልሆነ ለሌላ ለምን ታውለዋለህ? ስለዚህ ሊከበር የሚፈልግ ቢኖር በእግዚአብሔር ይክበር። እርሱ ከክብር ሁሉ በላይ የሆነና ለምንከብርበት ነገር ሁሉ ምንጩ ነውና። በእግዚአብሔር ኃይለኛ ሆነህ በተፈጥሮህ ደካማ ብትሆን ከሐዋርያው ከቅዱስ ጳውሎስ ጋር እንዲህ በል። "እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። ስለዚህ ስለ ክርስቶስ በድካም በመንገላታትም በችግርም በስደትም በጭንቀትም ደስ ይለኛል፤ ስደክም ያን ጊዜ ኃይለኛ ነኝና።" 2ኛ ቆሮ 12:9-10

(ብጹዕ ወቅዱስ አቡነ ሽኖዳ እንደጻፉት)

302views00:45