ጠቃሚ ምክር

( ክፍል ሦስት )

ከሰማኋቸውና ካነበብኳቸው

የዕለት እንጐቻ

አንድ ወንድም ወደ አንድ አገልጋይ መጥቶ ብዙ ሃሳቦች ወደ ልቡናዬ መጥተው እያስቸገሩኝ ነው ብሎ ጠየቀው :: አገልጋዩም እንዲህ ሲል መከረው ::  በውስጥህ ያለውን አየር ተንፍሰህ ወደ ውጪ አውጣውና  መልሰህ አየር ወደ ውስጥ አስገብተህ ተንፍስ አለው :: ይህም ወንድም አገልጋዩ እንዳለው በውስጡ ያለውን አየር  ተንፍሶ  ወደ ውጪ አስወጣውና መልሶ አየር ወደ ውስጥ አስገብቶ ተነፈሰ:: አገልጋዩም እንደገና ይህንን ወንድም እንዲህ ሲል መከረው :: ከዚህ በኋላ አንዴ ወደ ውስጥ ያስገባኸውን አየር ተንፍሰህ ወደ ውጪ አስወጥተሃልና መልሰህ አየር ወደ ውስጥህ አታስገባ አለው :: ይህም ሰው አልችልም አለ :: አገልጋዩም ይህንን ሰው መልሶ አየህ ወደ ልቡናህ መጥተው የሚያስቸግሩህንም ሃሳቦች እንደዚህ ወደ ውስጥህ አለማስገባት ትችላለህ አለው ይባላል :: 

አንድ ዘማሪ እንዲህ ሲል ዘመረ ፦— 

አላስተናግድም በሬንም አልከፍትም 

ከኢየሱሴ ሌላ እንግዳ አልፈልግም …………………

አጥብቀህ ልብህን ጠብቅ 

የሕይወትህ መውጫ ከእርሱ ነውና 

የአፍህን ጠማማነት ከአንተ አውጣ ሐሰተኞቹን ከንፈሮችም ከአንተ አርቅ 

( መጽሐፈ ምሳሌ 4 ፥ 23 እና 24 )

እርሱም አለ ከሰው የሚወጣው ሰውን የሚያረክስ ያ ነው ከውስጥ ከሰው ልብ የሚወጣ ክፉ ሃሳብ ዝሙት መስረቅ መግደል ምንዝርነት መጎምጀት ክፋት ተንኮል መዳራት ምቀኝነት ስድብ ትዕቢት ስንፍና ናቸውና ይህ ክፉ ሁሉ ከውስጥ ይወጣል ሰውንም ያረክሰዋል 

( የማርቆስ ወንጌል 7 ፥ 14 - 23 )

በቀረውስ ወንድሞች ሆይ እውነተኛ የሆነውን ነገር ሁሉ ጭምትነት ያለበትን ነገር ሁሉ ጽድቅ የሆነውን ነገር ሁሉ ንጹሕ የሆነውን ነገር ሁሉ ፍቅር ያለበትን ነገር ሁሉ መልካም ወሬ ያለበትን ነገር ሁሉ በጎነት ቢሆን ም ስጋናም ቢሆን እነዚህን አስቡ ከእኔ የተማራችሁትንና የተቀበላችሁትን የሰማችሁትንም ያያችሁትንም እነዚህን አድርጉ የሰላምም አምላክ ከእናንተ ጋር ይሆናል 

( ፊልጵስዩስ 4 ፥ 8 እና 9 )

የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነውን ነገር ምን እንደሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ 

( ሮሜ 12 ፥ 1 - 3 )

ፊተኛ ኑሮአችሁን እያሰባችሁ እንደሚያታልል ምኞት የሚጠፋውን አሮጌውን ሰው አስወግዱ በአዕምሮአችሁ መንፈስ ታደሱ ለእውነትም በሚሆኑ ጽድቅና ቅድስና እንደ እግዚአብሔር ምሳሌ የተፈጠረውን አዲሱን ሰው ልበሱ 

( ኤፌሶን 4 ፥ 22  - 24 )

አባ ዮናስ ጌታነህ